بالعيد مع مين أنت رايح ؟؟؟ مع أهلك ولا رفقاتك؟؟؟؟؟

أول شي ما بحدب اطلع مع اهلي لا بالعيد ولا بغير العيد ليش :
لأنو مشورون معته مثلا منفوت لعند أحد الاقارب كيفك : تمام
شلون الدراسة : تمام
بيروح حديث وبيرجع وبيرد كيفك وشو اخبارك وشلون مدري مين وألخ .........

تاني شي : متى ما رحت مع أهلي بياخدوها مكسب اسمك معنا امشي نروح لهون واسمك معنا بدنا نتعشى مدري وين وألخ ................

فأنا مشان هيك بطلع مع رفقاتي لأنو ما في حدا يقلي بدي روح لهون وبدي اجي لهون يعني ما في نئ

وبنبسط أكتر



بس مو بكير على هالموضوع

انا ما بطلع لا مع اهلي ولا حتى رفقاتي

لأنو الناس الي اهلي بزوروهم اكيد عندهم شباب وببلش الحكي انو عروس وما عروس وشو ناوية تعملي وما بعرف شوو حكي بدايقني

ورفقاتي اهلي ما برتاحولهم فبقى احسن حل البيت




وشكراا

والله كتبت الرد

ورجعت مسحتوا
واللي بيعرف بيعرف واللي ما بيعرف بقول كف عدس

ملخص الكلام ما في شب بحب يطلع مع الأهل لسبب واحد
انوكل شب بحب يمضي العيد وهو مبسوط بعيد عن النكد العائلي المنظم
والكذب والمجاملات لهاد وهداك للي وعلى ما أظن كانوا الناس يسموهن __ أهل __

الله يفرجا علي هالعيد وسافر ومضي العيد بالشام
وبلا صلة هالرحم اللي رح قضيها بالكذب طول النهار وعلى مدى الثلاث ايام
والله ارحم الراحمين

رح نزعل من بعض يا أحلى friend يعني معقول هاد الكلام!!!!

متى ما رحت مع أهلي بياخدوها مكسب اسمك معنا امشي نروح لهون واسمك معنا بدنا نتعشى مدري وين وألخ ................

فأنا مشان هيك بطلع مع رفقاتي لأنو ما في حدا يقلي بدي روح لهون وبدي اجي لهون يعني ما في نئ

يعني أهلك اذا ما طلبو منك أنت ومتل ما قلت (اسم انو انت معنا) يروحو يدقو لابن الجيران مشان يروح معهون يعني؟؟؟
أما st@r فما شاء الله لا قوة إلا بالله......يا هيك العلاقات العائلية يا بلى ومتل ما قلت

حتى عمتك او خالتك لما يشوفوك بيفرحو من قلبهم غير هيك اني لما روح بشوف وجوه مبتسمة و منضحك مع بعض و كل واحد بيحكي مغامراتو وخصوصي ولاد عمتي كلهم .

هاد الحكي كتير صح بالذات انو الخالة او العمة تعتبر أم وتفرحلنا وبتحبنا متل امهاتنا
بعدين ولا يهمك ما طولت ولا شي
أما بالنسبة لـ sara

ورفقاتي اهلي ما برتاحولهم فبقى احسن حل البيت

فيها وجهة نظر
أما rasheed84

وبلا صلة هالرحم اللي رح قضيها بالكذب طول النهار وعلى مدى الثلاث ايام

فخليني ذكرك بشغلة طبعاً كالعادة رح تقللي مثاليات وتنظير بس مع ذلك بدي قولها
بدي ذكرك بحديث الرسول (ص) : ليس الواصل بالمكافىء إنما الصلة أن تصل من قطك وأن تعطي من منعك (أو كما قال الرسول الكريم)
وكمان بظن أنك قرأت الحادثة يللي صارت مع أحد الصحابة لما أجى يشتكي للرسول (ص) من أقارب ألو كل ما يعمللهون خير بيروحو يحكو عليه من ورى ضهروا
وقتها الرسول (ص) قللو كلمة كتير مميزة ...قلو إذا هنن متل ما قلت وانت متل ما انت وضليت هيك ( كنت كمن يسفهم المل) بمعنى كمن يطعمهم الرماد
وبالنتيجة أن شا الله تقدر تروح عالشام ..والله ارحم الراحمين
شكرا على مروركون جميعاً

هلأ انتي فهمتيني غلط انا باخود اهلي بس ما بطلع معون بستناهون تحت لأنو ما بحب حدا من قرايبينا

لأنو بشوفكي أهلين ومدري شو بتحسيون بموتي عليكي
وبس لتروحي ببلشوا حكي عليكي وانا هي اكتر شغلة بكرها اون الواحد يحكي عليي من ورايي

أنا هيك أظدي

انا باخود اهلي بس ما بطلع معون بستناهون تحت لأنو ما بحب حدا من قرايبينا

اي اذا هيك اختلف الكلام
اما قصة الحكي من ورى الضهر ما بظن حدا بالعالم بخلص منها ما هيك

ShaBaBlik كتب:

انا باخود اهلي بس ما بطلع معون بستناهون تحت لأنو ما بحب حدا من قرايبينا

اي اذا هيك اختلف الكلام
اما قصة الحكي من ورى الضهر ما بظن حدا بالعالم بخلص منها ما هيك

مستحيل نخلص منها شي اكيييييييييييييييييييييد