قال للقرعة مشطين وللعمشا مكحلتين
متل بشكير الحمام من إيد لإيد
قال فارة وقعت من السقف قالتلها القطة إسم الله قالتلها اتركيني بحالي وأنا بألف خير من الله
قال خنفسة شافت بنتها على الحيط قالتلها تقبريني متل اللولية بخيط
قال صار للدبانة دكانة وصارت تسكّر على بكير
قال زبال وشاكل وردة
قال الجمل لو شاف حردبتو كان وقع وانكسرت رقبتو
قال لبسو المكنسة بتطلع ست النسا
قال لابق للشوحة مرجوحة ولأبو بريص قبقاب
قال الله يخليلي اياك يا لساني شلون ما درتك بتندار
قال عم يتباهى بضفاير بنت خالتو
قال من زبيبة بيخمر
قال يا فرعون مين فرعنك؟؟ قلو ما لقيت حدا يردني
قال حط اصبعتك بعينك متل ما بتوجعك بتوجع غيرك
قال متل الحرباية بالوش مراية وبالقفا صرماية
قال البرغوت قال للبقة يضرب الشرشوح اذا اترقى
قالوا لكتّار الغلبة نص الدنيا إلكن قالّن النص التاني لمين؟؟
قال ست وجاريتين على قلي بيضتين
شو ما طبخت العمشا جوزها بيتعشى
قالوا للبغل مين أبوك ؟؟ قال الحصان خالي
قال من معرفتو بالصحابة بيترضى على عنترة
قال ياللي القلم بإيدو ما بيكتب حالو من الأشقيا
قال عم بيرش على الموت سكر
قال إن بزقنا لفوق على شواربنا وان بزقنا لتحت على دقنا
قال عاشقك لا تاخديه ومطلقك لا ترديه
قال بحفر البير بإبرتين وبكنس درب الحج بريشتين ولا بعاشر الخاين بكلمتين
قالو للقرد لسه الله بدو يمسخك قال يمكن يساويني غزال
» مرحباً بصديقتنا زهرة ياسمين
» تحـيه لصدقيتنا الجديدة rafika
» مرحباً بصديقنا الجديد "هاكونا مطاطا"
» كل عام وانتم بخير وكل عام وانتِ حبيبتي
» فيلم الحياه في يوم
» أهلا بصديقتنا khloud
» حشرة تجلب الملايين لمصر .. ممنوع قتلها
» ماذا بعد ؟؟!!
» Join My Group